《通往未知的門票II》
準備好護照，下一步就係要打防疫針，保住條命仔。由於今次要去既地方包括左人間天堂南美洲，又正值夏季極多蚊，傷寒、黃熱、甲型肝炎呢三針最好就係香港打定先。
其實上年去Iguazu都無留意果區原來都係黃熱病既區域，如果唔係今次想去既玻利維亞（天空之鏡）入境需要出示針卡都無禁神心排成個月期去打針。好彩上年我係冬天既時候去基本上無乜蚊，不過依家唸返起都滴汗。
除左比姑娘瘋狂拮針之外（利申：唔怕痛重有d爽），醫生重建議我帶定預防高山反應既藥，加加埋埋$910買反健康其實算係禁啦。雖然聽過好多人無打針去都平安無事返黎，但對自己對屋企人負責，以後去遠遊真係要準備好d，旅行途中搞到病真心好淒慘。
溫馨提示：大吉利是，旅行之中遇到危險又好，大病又好，香港有條24小時熱線00852-1868幫助外遊人士，記得mark底啦。
Search